قاراباغ

هامی بیلیر قاراباغ آذربایجانین دیر. مین ایللر بویو آذربایجانین اولموش، آما 30 ایلدیر قولدور و حیله کار ائرمنی لر روسیانین یاردیمی ایله وطنیمیزین بو بؤلگه سینی اشغال ائدیب و اسرائیل کیمی بیر سرطان غده سینی بورادا یاراتمیشدیر. بونا اینانیریق آذربایجان خالقی وطنینی آزاد ائدیب ئ قاراباغلی وطنداشلاریمیز اؤز آنایوردلارینا دؤنه جکلر. بو دا چوخ اوزاق دئییلدیر. بیز، گونئی آذربایجان خالقی و بوتون ایران تورک لری باکی حرکاتیندان حیمایه ائدیب و ائده جه ییک. تبریز، اورمیه، اردبیل، زنجان و بوتون آذربایجان شهرلری و ایران تورک خالقلاری قاراباغی دستکله ییر. ایندیسه ایران تلویزیونو ایسترسه اراده لی و ایسترسه ده اشتباه ائده رک قاراباغی باشقا کلمه لرله تانیتدیرماق ایسته میش، داها بیزه قبول ائدیجی بیر باهانا دئییلدیر. توپوردوگونو یالامالی دیر. بوگون هر کس، اورگان و وزارتخانا دا تجاوزکار ائرمنی لر حاققیندا بیر کلمه ده حتا اشتباه سؤز دیله گتیرمه یی اسلام دونیاسیلا، حقیقت لرله و بیز تورک لرله قارشی – قارشییا دورماق معناسیندادیر و جوابسیز قالمایاجاقدیر.

دونیا بیلیر و بیلمه لی دیر قاراباغ آذربایجانین آیریلماز بیر بؤلگه سی دیر و بو تئزلیکده وطن قوجاغینا قاییداجاق. ائرمنی حیله لرینه اویماماق گرکدیر. ائرمنستان اؤزونو اؤلومه وورور بلکه روسیا و باشقا یاردیمچی لارینین حیمایه سینی اله گتیرسین. آرزو ائدیریک هئچ بیر دولت و یا ملت ائرمنی حیله لری نین تورونا دوشمه سین.