دوكتور مبين

دوكتور مبين آذربايجانين ده‌يرلي شاعري عاليمي، گؤركملي حكيمي دنيا سويه‌سينده تانينميش بير عاليمي­دير. مبين، شيمشك تخلوصو ايله شعرلر سؤيله­ ين انسان سئوه­ ر بير حكيم­ديركي عمرونو انسانلار خدمتينده كئچيرميش و بشريته لايق چابالار گؤسترميشدير.

مبين 1306 ايلينده تبريزده آنادان اولوب، طيب بؤلومونده يونيوئرسيتة‌ني بيتيرميش و 1337 جي ايللردن ايراندا جُذام خسته ­لريني بير يئره توپلاياراق، «باباباغي» ني قورموش، 1341 جي ايلده دنيا بهداشتي طرفيندن اوروپايا چاغريليب، اسپانيا، پورتغال و آفريقا اؤلكه ­لري – مالي، نيجيريه و داها آيري اؤلكه­ لرده آراشديرمالار و آختاريشلار ايره‌لي سوروب، چوخلو تجربه ­لر الده ائده‌رك اؤز وطنينه دؤنموش، جوذام خسته‌لريني ياشاماغا اومودلانديرميش و بو خسته ­ليگي آرادان قالديرماغا باشلاميشدير. ايندي، بو بؤيوك انسان سئوه‌ر حكيم، بشريته خدمت گؤسته‌ره‌رك، علمي ايشلرله ياناشي، انسانلارين روحلاريني تميزله­ مه­ يه، اوره‌ك­لرده اينجه­ليك، شادليق ياراتماق اوچون ده الينه قلم آليب، ملي روحلو شاعر كيمي خالقيميزين معنوي وارليغيندان مدافعه ائدير. او، اوشاقلار بسله ديگي محبتي ياراديجيليغيندا گؤستر‌‌مه‌يه چاليشير و گؤزه‌ل شعرلريله اوشاقلارين تربيه و ذوق آلماقلارينا يارديم ائدير. او، بو ساحه ده نئچه – نئچه كتابلار يازميشدير.

1)آچيل چتريم، آچيل

2) گل باهاريم، گل

3) قوش يوواسي

4) لاي لاي ماراليم لاي لاي

5) آغ گول، آغا گول، آيي گول

 

دنيا سويه ­سينده اوشاق ادبياتي اوغروندا چاليشان اديب­لرين اؤنونده گئده‌ن عالملردن تانينير. آنجاق «جوذاملي سارا» آدلي اثريله دونيانين قالارقي شخصيت­لريندن اولماسينا دا لاييق گؤرولور. عاليم، بو اثرينده انسان روحونون گؤزه‌‌لليك­لريني تصويره چكيب و بير جذاملي قيزين گؤزه‌لليك­لريني  اونون جُذاملي خسته‌ليگينه باخماياراق، بوتون اينسانلارين گؤزو اؤنونده جانلانديرير.

شمشك بؤيوك بير يازيچي، ده­ يرلي بير شاعردير و آنا ديلينه  دريندن محبت بسله­ يير. جوذاملي سارا اثري تكجه آذربايجانا يوخ، بلكه بوتون بشريته باغيشلانان اؤلمز بير اثردير. البتده شاعيرين باشقا اثرلري ده واردير كي آناديلي ادبيياتيندا يئرله­شير:

قانلي چيچك

شيطان در شعر شهريار

عمادالدين نسيمي شاعر طبيعت

به ياد شهريار

تبريز، گنجينة نهفته در بستر تاريخ

نظامي گنجوي

 و باشقا اثرلري.

دوكتور مبين، ايلكين عاليم­ديركي ايراندا اونون هئيكلي اؤز حياتيندا قورولموش و قدير بيلن خالقيميز اونون شأنينده نئچه- نئچه قورولتايلار، شعر آخشاملاري و شنليك تؤره‌نلرري قورموشلار. چكيجي حادثه بوراسي­ديركي مبين بير فرهنگسرا دوزه‌لده‌ر‌ك اوشاقلار اوچون ده بؤيوك بير سالون دوزه‌لديب، اورادا قولچاقلار و اويونچاقلار توپلاييب يوخسول اوشاقلارين استفاده ­سي اوچون بير گؤزه‌ل يئر ياراتميشدير. بو فرهنگسرادا كيتابخانا و باشقا سالونلاردا واردير.

 

محبت تشنه‌سي   (يئتيم اوشاقلارا)

محبت، دريا دير
اوج سوز -  بوجاق سيز
محبت ايچينده
من بوغولموشام

كيم بيلير
بلكه ده بيرگون
محبت گؤرمه‌ميش
من دوغولموشام

آتاسيز، آناسيز
سارماشيق كيمي
ساريشيب حَياتا
ياپراق آچميشام

اؤلومون اَلينده‌ن
گؤز- گؤز ائيله ييب
اوزولوب، قيريليب
بوُرا قاچميشام.