خمسه آدینا دیل و مدنیت اوجاغی و شعر آخشامی

شعبانیه بایراملارینا گؤره چرشنبه گونو دندی شهرینده شعر آخشامی قورولاراق، زنگان، دندی و انگوران و مانناشان شاعیرلری شعر اوخویوب و موسیقی دینله دیلر. بو تؤره ن ارشاد اداره سی ایله خمسه اوجاغی نین ایش بیرلیگی نتیجه سی اولاراق شهرداری سالونوندا قورولدو و بیر چوخلو شاعیرلر شعرلرینی اوخودولار. بو تؤرَنده م. کریمی مولانا همتی انگورانی حاققیندا – شعرلری و یاشاییشی باره ده دانیشدی. بو بؤلگه ده بؤیوک عالیم لر و شاعیرلرین یاشاییشی حاققیندا معلومات وئره رک، مولانا همتی دن علاوه، میرزا صادق اوریادی، ابوالقاسم زنگانی و جاذب خوئینی یارادیجیلیغینا توخونوب و دیوانلاری نین یاییلماسی حاققیندا دانیشدی و تورک دیلی نین بو بؤلگه ده یوز ایللر بویو یاشادیغیندان اؤرنک لر وئردی. سونرا خمسه اوجاغی نین شاعیرلره، صنتکارلارا، آراشدیریجیلارا حمایت ائتدیگینی بیلدیردی. بو تؤره ن، ارشاد اداره سی نین باشقانی دانیشیغی و شاعیرلره تقدیر لوحی وئرمکله باشا چاتدی.