ع.ا.رمولو

هله قولاغیمدا او پیرین سسی

 

عشق یعنی عین – ی علوی، شین – ی شام، قاف – ی قلم

عشق یعنی شعله لنمک دم به دم

عشقله عاشق و معشوق بیرله شیب بئش نقطه ده

وورغون اولسان سن دویارسان سئوگی رنگین هر نه ده.

عشق یعنی عین – ی عطشان لیق چؤلو

شین – ی شیرین، قاف – ی سیمرغون قافی

دؤشده شاملیقلا شامانلیق.

 

من مرید اولدوم مورادین عشقینه

هر نه یی آتدیم

باشیمدان دوشدوم عشقین مشقینه

چانتا چیینیمده دولانباج یوللاری آرخامدا قویدوم

آدلاییب منزیل به منزیل پیر دئیه ن سئوگیله اولدوم

قالدی یوللاردا جاوانلیق.

ایندیسه چانتامدا دای هئچ بیر نه ییم یوخ

ساچیما قونوبدو دنلر

آیریلیب منده او من لر

دؤنگه لر دؤنوملر آشمیش چاتمیشام بیر گولشنه

شعر آدلی گولشن.

شعر شعور، شاعیرسه عاشق

شعر اؤزو عشقین جامالی

وای اگر بیر گون بو یار آیریلسا مندن

قیش اولا یا اولمویا یول آیریجیندا

بوزلارام من...