«اوغوز بایرامینیز موبارک اولسون»
«اوغوز بایرامینیز موبارک اولسون»
اوغوز بایرامی قاباقدادیر. قیش توکه‌نیر، یاز گلیر. اوغوز بایرامی قیشدان یازا کئچن گوندور. بوگونلرده یازین آیاق سسینی ائشیدیریک. من ده بو نوروز بایرامینی، اوغوز بایرامینی سیز عزیزلره تبریک دئییب خوش گونلر، ساغلیق و باشاریلار دیله‌ییرم. ایلین دؤنوم بایرامینی تام ملتلر، اؤزللیکله تورک ملتلری، چین دوواری‌نین جیواریندا توتوب بالکانلارا قدر بایرام ائدرلر. بو بایرام بیزیم آتا-بابالاریمیزدان قالان یادگاردیر. دئمک اولور بو بایرامی سومرلر – ۵۵۰۰ ایل بوندان قاباقدان تانییارمیشلار؛ ایلک دقعه اولاراق سومرلر ایلین دؤرد قصلینی آییر ائدیب و قیشدان یازا کئچن گونلری توی توتارمیشلار. آنجاق تاریخه گلدیکده گؤی‌تورکلر ۲۱۲ ایل میلاددان اؤنجه بو تقویمی دقیقلشدیرمیش و ۱۲ حیوان تقویمینی تقدیم ائتمیشلر. ۱۷۴ ایل میلاددان اؤنجه مئته خاقان ۱۲ حیوان تقویمینی بشریتده تثبیت ائتمیشدیر. بو اساسدا هر ۱۲ ایل بیر دوره حسابلانیر و انسان یاشاییشی دا بو دوره‌لر حسابینا سئچیلیر: ۱۲ ایل اوشاقلیق دورانی، ۱۲ ایل یئنی یئتمه‌لیک دورانی، اوچونجو ۱۲ ایل گنج‌لیک دورانی، ۱۲ ایل یئتیشکنلر دورانی، سونرا بیشمیش دورانی، آردیجادا قوجالیق و آهیللیق دورانی چاتیر؛ بئله‌لیکله بیر انسانین دوغال عمرو ۶۰ یا ۷۲ ایل ساییلیردی. بو ۱۲ حیوان ترتیب ایله عبارتدیر: سیچان، اینک، بارس (قاپلان)، دووشان، نهنگ، ایلان، آت، قویون، میمون (پیجی)، تویوق، ایت و دونقوز. بو تقویم ایراندا رضاشاه دورونون سونونا قدر رسمی تقویم ساییلیردی. (موش و بقر و پلنگ و خرگوش شمار - زان چار چو بگذری نهنگ آید و مار / آن‌گاه به اسب و گوسفند است حساب - حمدونه و مرغ و سگ و خوک آخر کار).
ابوریحان بیرونی- تورک بیلگینی، ایل دؤنومونو دقیقلشدیریب و حتا ایلین ایلک گونونو ده تعیین ائده بیلمیشدیر؛ سونرالار سلجوقلو دورونده «جلالی تقویمی» داها دقیق صورتده میدانا گلیر. بیلگین‌لر ایل تحویلی‌نین گون، ساعت، دقیقه و ثانیه‌سینی ده دقیقلشدیریب و سلطان جلال‌الدین ملکشاه سلجوقی آدینا تثبیت ائدیرلر و بو تقویم بوگونه قدر -تام ساعت، دقیقه و ثانیه‌سینه قدر اؤز اعتبارینی ساخلایا بیلمیشدیر.
بو ایل -۱۴۰۴جو ایل، ایلان ایلی حساب اولور. دئمیشلره گؤره؛ ایلان ایلی خوش یُمن بیر ایل اولار، برکتلی ایل اولوب، خالق خوش اخلاقلی، خوش سلیقه‌لی اولارلار. من ده بو گؤزل اوغوز بایرامینی سیز عزیزلره تبریک دئییرم.
آذربایجان ادبیاتی، تاریخی و اینجه صنعتی