حسن دمیرچی عؤمور بویو آذربایجان قایغیسینی چلدی؛ اوره یی آذربایجانلار دؤیوندو؛ آنجاق بوگون بیزلردن کوسوب گئتدی.

بوتون آذربایجان خالقینا باشین ساغ اولسون دئییرم.

 

بوردا بیر تار قالیب سس‌سیز سمیرسیز
ییه‌سین ایتیریب بولمور نئیله‌سین
گزیر ایزیم ایزیم یاسلی تبریزی
کیمسه یوخدور اونا دوزون سؤیله‌سین

هامی قیراغیندان سوووشور گئدیر
گؤرور هامی بورونوبدور قارایا
تبریزه اوخویور یانیقلی، حزین
منیم بسته‌کاریم گئدیبدیر هارا

قارشیلاشمیر بو سورغویلا هئچ جواب
آیریلیغین آدینا قارغیشلانیر
ملک لر اوزولور بو گؤرونتودن
آستاجا آستاجا یاغیش باشلانیر

تبریزین روحوندا جانی یوخ داها
قوووشوب قوشلارا اوچوب نفسی
اوخو تار
اوخو تار
اوخودوقجا سن
دینله‌نیرگؤی‌ لرده دمیرچی سسی

شعر: هارای ارکین

Image result for ‫حسن دمیرچی‬‎