گئتدی گؤیه وای دده قیمت یئنه

کار کاسیبی باسدی فلاکت یئنه

سالدی ایاقدان بهالیق مللتی

ظولم ائله ییر میللته ، میللت یئنه

آغزین آچیبدیر بهالیق دئو کیمی

ائیله ییری میللتی غارت یئنه

پولسوزو هرلحظه توروم سیخیر

آرتیریری پوللویا دؤولت یئنه

رحمت او کئچمیشلره کی وار ایدی

خلقیده بیر ذره موروت یئنه

وارلی داها یوخسولا رحم‌ ایله میر

دونیانی دولدوردو قساوت یئنه

باشینا کوللر اله نیر دینمه ییر

گئتدی بادا سانکی شهامت یئنه

صفده دورور چیخماییر امما سسی

تکجه دئییر آز اولا نوبت یئنه

دینمه «تیلیمخانلی» یئنه قورخورام

زهر ائده احوالیوی دوولت یئنه

ح. ا. ت