قیزیل قلم آذر      Qizil Qelem

 آذر کتاب توران

سلاملار، عزیز و سئویملی وطنداشلارا اورک ائویندن سلام عرض ائدیرم. هر واختینیز خئیر!

آذربایجان، مادی ثروتلری اوچون هامی نین دقتینی اؤزونه چکمیش، تاسوفله بو قدر مادی ثروتلریمیزدن آذربایجانا یئتیشن یوخ قَدَرینده دیر. اوندان داها افضل، آذربایجان خالقی نین معنوی ثروتی دیر کی تاسوفله اونودولماق سویه سینده دیر و خالقیمیز بو زنگین ثروتیندن چوخ آز بیلگی لری واردیر. آذربایجانین تورک دیلی نین اؤزه للیک لری و گؤزه للیک لری دونیا دیلچبی عالیم لری نین دقتینی چکه رک گؤزلرینی ده قاماشدیرمیش و حیرته سالمیشدیر. ادبیاتیمیز 1500 ایلدن آرتیق دوشونجه، حکمت، فلسفه و بیلگی لرله دولو بیر ثروت دیر. تاریخیمیز و خالقی میزین تاریخی ایگیدلیگی – دالدا قویدوغو غیرتله کئچدیگی اولایلار هر بیر انسانین غرورونو دیریلدیر. آنجاق بو تاریخدن ده غافیل قالمیشیق.

بو زنگین و گئنیش کولتورو اؤرنمک اوچون کتاب اوخوماق لازیمدیر. دوغرودور بوگون سانال دونیاسی – تکنولوژی آراجلاری یارارلانمالی دیر آما هئچ بیری کتابین یئرینی وئره بیلمه­ییر. چونکی کتاب سنددیر و ابدی قالان بیر اثردیر. آما آجی بیر دورومدا یاشاییریق کی سانکی خالقیمیز کتاب ایله کوسوبدور. بیز، آذر کتاب توران شرکتی­نین مدیرلری، بو مشکلی حل ائتمک اوچون بیر تعاونی شرکت و عئینی حالدا بیر ادبی – فرهنگی مؤسسه یاراتمیشیق آذر کتاب توران آدیندا. هامی بو شرکتده سهیم اولا بیلر. بوتون آذربایجانلی خالقی و تامام تورک دیللی خالقیمیز بو شرکت و مؤسسه­یه قاتیلا بیلر. هر بیر کس آیدا تکجه 10 مین تومان ایله عضو اولور و بو 10 مین تومان لارلا بیز کتاب یازیب چاپ ائده­جه­ییک ، آذربایجان تورک دیلی، تاریخی و ادبیاتی اوغروندا چالیشاجاغیق و کتابلاری ائولره آپاراجاغیق. کتابین تیراژی مینلرجه اولاجاق و هامی­نین الینه چاتاجاقدیر. یولو بودور کی چوخلو عضولرینیز اولسون. منجه هر کیمین اوره­یی دیلینه، خالقینا و وطنینه چیرپینیر و سئویر بیزه قاتیلماقلا بو هدفلره چاتماق یولون هامارلاییر.

گلین قویمایاق دیلیمیز، کولتوروموز و تاریخیمیز الدن گئتسین. بیز ایسته­ییریک تورک لرین بوتون عالیم لری بیزیمله ایش بیر اولسونلار و شوکورلر اولسون کی هرفلریمیزی و یولوموزو هر بیر عالیمه آچیقلادیق و سؤزوموزو اونلارلا اورتایا قویدوق سئوینه­رک بیزه قاتیلدیلار. آذر کتاب توران بیرینجی اوتورومدا – 20 شهریورده – عالیم لردن تشکیل اولان مختلف کمیته­لری قوردو و عالیملر بو گروهلاردا یئرلشدیرلر. ایلک باشدا علمی هیئت یاراندی. سونرا باشقا کمیته­لر او جمله دن ایل کتابی – ائل کتابی (کتاب برگزیده سال آذربایجان)، آذربایجان تاریخچی­لر کمیته­سی، فولکلور، شعر، حیکایه و رومان، فیلولوژی – دیلچی­لیک و نهایت عالایم­لریمیزی آغیرلاما کمیته­لری. بو کمیته­لرده اشتراک ائده­ن بؤیوک عالیم­لریمیزدن آد آپارماق ایسترسم دئمه­لی­یم ایلک باشدا پروفسور دوقتور حسین محمدزاده صدیق دایانیر کی کئچه 60 ایل عرضینده 300 دن آرتیق آذربایجان دیلی و ادبیاتی اوغروندا یازیب یایمیشدیر و نئچه – نئچه درگی­لرین مدیری اولموشدور. بوگون بیزیم دیلی و ادبیاتی اونون آدیلا باغلامیشلار.

پروفسور دوقتور محمد حریری اکبری دونیا سویه­سینده تانینمیش و دونیانین آدلیم یونیوئرسیته­لریندن تدریس ائده­ن و اونلارجا ائلیمیز، دیلیمیز و کولتوروموز حاققیندا هم آنادیلیمیزده و هم دونیانین جانلی دیللرینده کتابلار یازمیش و باشیمیزی اوجالتمیشدیر.

پروفسور دوقتور علی داشقین 50 جیلددن آرتیق تورکجه آراشدیرمالار، رومانلار، شعر دفترلری و چئویرمه­لری اولموش و بیر عؤمر مادی قازانج گؤزله­مه­دن ائلمیز اوغروندا چالیشمیشدیر.

مهندس علیرضا صرافی ایللر بویو دیرلی درگی­لر – دیلماج، ائل بیلیمی، اوزان و . . . – مدیریت ائده­رک دورمادان چالیشمیش و اؤز درین بیلگی و عشقینی گؤسترمیشدیر و ایران تورکلری نین کولتورونو توپلامادا هئچ بیر چالیشمادان اسیرگه مه میشدیر.

عالیملریمیزین ساییسی او قدر چوخدور کی سایماغا گلسم نئچه ساعات چکر، آنجاق دوقتور حسن ریاضی (ایبلدیریم)، دوقتور مرتضی مجدفر، دوقتور ائل اوغلو، دوقتور حسین اولدوز، اوستاد سؤنمز، اوستاد حیدر باریشماز، اوستاد اسماعیل هادی، دوقتور گمیچی، دوقتور نوبری، دوقتور ارگین افشار، دوقتور اسماعیل جعفرزاده، دوقتور صمد رحمانی، دوقتور آیریملو، دوقتور ملک­زاده، دوقتور نظری، اوستاد ناصر منظوری، سرکارخانیم نواده رضی، سرکارخانیم رضوان (جانای)، اوستادلاریمیز حمید احمدزاده، رسول جعفرزاده، حمید شافعی، اسفندیار حاجیلو، حسین گونئیلی، قربانزاده، ، حتا گنج شاعیر و یازارلاریمیز: سعید مغانلو، دومان اردم، همت شهبازی، محمد صبحدل، زامان پاشازاده، فرمان فرضی، و یوزلرجه یازارلاریمیز و شاعیرلریمیز بیزیمله البیر و ایش­بیرلیک ائتمه­یه سؤز وئرمیشلر.

آذر کتاب توران ین مدیرلری – هر بیری نئچه کتاب یازاری اولاراق بو یولدا چالیشمادان دایانمایاجاقلار بو گنج­لر عبارتدیرلر: حسن ساری­زاده، حسن رفیعی، دوقتور نصیرزاده، دومان بختیاری، محمدعلی نقدی، تایماز درهمجانی، نورالله پورشریف و . . . عئینی حالدا چوخلو درگی­لر، ناشرلر و درنک­لر ده بیزیمله ایشبیرلیک ائدیرلر و ال – اله وئرمک­له اؤزوموزو تانی یاریق، دونیایا دا تانیتدیراریق و معنوی ثروتیمیزدن موغایات اولاریق. سیزلرین ده یولونوزو گؤزله­ییریک.