آذربایجان تاریخی – 3

سئویملی قوروپداشلار هامینیزی سلاملاییرام. هر گونوز خوش اولسون، اورکلرینیز سئوینج دولسون. بوگون آذربایجان تاریخی عنوانیندا اوچونجو دانیشیغیما باشلامادان اوّل، ایکی موض.عی خاطیرلاییرام: بیرینجی – آذربایجانین گؤرکملی یازیچی و مدنی فعالی اوستاد غلامحسین فرنودون اؤلومونه گؤره بوتون آذربایجان خالقینا باشین ساغ اولسون دئییرم. فرنود، صمد بهرنگی نین یاخین دوستلاریندان اولاراق، ایللر بویو قارانقوشلار دسته سی له بیرگه چالیشیب و ایراندا انقلابی حرکاتینا قاتیلاراق بیر متعهد یازیچی کیمی چالیشیبدیر. بورادا اونون تاریخ آذربایجان آدلی 600 صحیفه لیک کتابی نین اوخوماسینی توصیه ائدیرم. بو کتاب، فرنودون تاخما آدی اولان علی سیاهپوش آدیلا چاپ اولموشدور. روجو شاد و یولو گئدرلی اولسون

ادامه نوشته

آذربایجان تاریخی – 2

عزیز قوروپداشلار، سئویملی دوستلار، هامینیزی سلاملاییب و بورادا "آذربایجان تاریخی" عنوانیندا ایکینجی دانیشیغیما باشلاییرام. کئچن هفته بیر مقدمه ایله هورری لر حاققیندا دانیشدیم. بوگون قوتتی لر باره سینده دانیشماق ایسته ییرم.

ادامه نوشته

آذربایجان تاریخی - 1

ایلک اؤنجه دئمه یی گرکلی بیلیرم کی خدمتینیزه عارض اولوب و دئیم کی من تاریخ اوزمانی دئییلم. آنجاق آذربایجان ادبیاتی تاریخی نین آراشدیریجیسی اولدوغوم اوچون مجبور اولاراق آذربایجان تاریخینی ده دقیق صورتده اؤیرنمیشم. ادبیاتی آراشدیرماق اوچون تاریخی ده بیلمک گره کیر. آذربایجان تاریخی بوگونکو ملتیمیزین باشدان کئچیردیگی حادثه لرله قورتارمیر. بلکه دیلیمیزین، کولتوروموزون تاریخی ده ساییلیر. تاریخ بیر علم دیر و تکجه شاهلارین، سلطانلارین یاشاییشی ایله باغلانماییر. تاریخ علمی نین یئنی نظریه لری اساسیندا دایانماق و تاریخی دوزگون و علمی صورتده آراشدیرماقلا گله جه ییمیزه ده یول تاپا بیله ریک. تاریخین دیالکتیکاسی کئچن مین ایللردن باشلاییب گله جه ییمیزه یول تاپیر. دوننی دوزگون تانیماساق گله جه یین یولونو دا تاپا بیلمه یه جه ییک. تاریخین قانونلاری تاریخین اؤز ایچیندن چیخاریلیر. یوخسا بونون – اونون ایسته یی اساسدا ایره لی گئتمه ییر، بو علم گؤسته ریر کی تاریخین قووه لری اؤز ایچینده دیر و بو قانونلاری کشف ائتمکله یولون قالانینی هدایت ائتمک اولار.

ادامه نوشته

دده قورقود کتابی

اؤزَت:

کتاب دده قورقود آذربایجان ادبیاتی­نین دونیا کلاسیک ادبیاتینا باغیشلادیغی ان ده­یرلی و محتشم بیر اثردیر. بو اثر اسلامدان اؤنجه یارانیبسا دا، الده اولان الیازمالار سونراکی یوزایللرده استنساخ اولموشدور؛ بونونلا بئله اونون تاریخی ده­یَری دانیلمازدیر. بو اثر دونیا دیللرینه چئوریلمیش و یوزلرجه عالیملر اونون حاققیندا آراشدیرمالار آپارمیش و بوتون یؤنلرینی اینجه­له­میشلر. بو کتاب، آذربایجان اوتوپیاسی­دیر. دده قورقود دونیاسی بوتونلوکله عدالت اوستونده یارانان بیر اؤلکه­نین و بیر ملتین تاریخی­دیر. سئویندیریجی حال بودور کی سون گونلرده بو محتشم اثرین بیر الیازماسی دا تهراندان تاپیلدی و دونیایا آیدینلاشدیردی کی بو اثرین کؤکو آذربایجاندادیر. ادیبلر اونون دیل اؤزه­للیکلری­نین آذربایجانا عایید اولدوغونو آچیقلامیشلار. بو مقاله­، دده قورقود دونیاسینی تانیتدیرماق، اثرین قیساجا آراشدیرماسینی، دده قورقودون انسانی سیمالارینی گؤسترمه­گه و یئنی تاپیلان الیازمانی تانیتدیرماغا چالیشیر.

آچار سؤزلر: دده قورقود کتابی، الیازمالاری، آذربایجان دونیاسی، دده قورقوددا قادینلارین سیماسی

ادامه نوشته

آنادیلی گونو - 4

  اسفند آیی نین ایکیسی یونیسکو طرفیندن"دونیا آنا دیلی گونو" تعیین ائدیلمیش دیر  . 1952-جی ایلده فوروآل آیی نین 21نده پاکستان دولتی طرفیندن اوردو دیلی رسمییته تانینماسی و بنگال دیلینی ین یاساق اولماسیندان اعتراضلار باشلانمیش و بو حرکتده دؤرد اؤیره نجی شهید اولموشدور.  

ادامه نوشته

آنادیلی گونو 3

دیل نه دیر؟ انسان‌لار فیکیرلرینی، مقصدلرینی، ایستکلرینی بیر- بیرینه دیلین کؤمگی ایله چاتدیریرلار. دئمک، دیل انسانلار آراسیندا، یاخینلیق، دوستلوق، علاقه و انسیّت واسطه‌سی‌دیر. دیل، انسان‌لارین بیری- بیریله ضروری اولاراق علاقه‌یه گیرمک احتیاجیندان دوغموشدور. انسیّتین اَن کامل واسطه‌سی‌دیر.

ادامه نوشته