آذربایجان تاریخی - 23 / رضاشاهین ایش اوسته گلمه سی
سلاملار و سایغیلارلا، هر هفته کی کیمی آذربایجان تاریخی قونوسو ایله دانیشیغیمیزی باشلاییرام. آذربایجان تاریخینه باشلامادان اؤنجه، قاراباغ حاققیندا نئچه گلمه دانیشماغی گرکلی بیلیرم. قاراباغ قونوسو بوگونلر خالیقیمیز ایچینده ان اؤنملی قونویا چئوریلمیش و هر گون یئنی خوش خبرلر و آذربایجان اوردوسونو ایره لیله مه سینی ائشیدیریک. تاریخه باخدیقدا گؤروروک قاراباغ همیشه، تاریخ بویو آذربایجان توپراقلاریندان اولموش و هئچ زامان آذربایجاندان آیری اولمامیشدیر. مادلار، ماننالار و اونلاردان اؤنجه ده آذربایجاندان ساییلیر. تاریخی واراقلایاندا هئچ زامان قاراباغ ائرمنی الینده اولمامیش و آدی دا ائرمنیجه اولمامیشدیر. اوچونجو هجری یوزایلینده عرب قایناقلاریندا قاراباغ آدی چکیلمکده دیر و فارس دیلینده - هله من الیمده اولدوغونا اساسلانیرام – مسامره الاخبار - سلجوقلولار دؤورونده یازیلان قایناقدا قاراباغ حاققیندا گؤزل معلوماتلار واردیر.
آذربایجان ادبیاتی، تاریخی و اینجه صنعتی