ینگان شاعیرلری نین تانیتیمی 36 / رستمعلی جعفری

سایین قالالی رستمعلی جعفری

   زنگاندان ائشیگه چیخیب تهرانا ساری یولا دوشنده یول اوستونده زنگاندان 50 کیلومتر اوزاقلاشاراق سایین قالادا نئچه – نئچه گؤزل شعر سؤیله ین لریمیز واردیر. البتده اون کیلومتر اویاندا کئچدیکده هیدجه چاتیریق؛ اورادا دا ده یرلی و حکمت دوشونجه ­لی شاعیرلر او جمله دن رهگذر هیدجی واریمیز، یئنه اون کیلومتر کئچمه­ دن خرمدره شهرینه چاتیب اونلارجا ده یرلی شاعیرلرله اوز اوزه گلیریک.

ادامه نوشته

زنگان شاعیرلری نین تانیتیمی - 35 / پرویز سودی (دالغا)

پرویز سودی (دالغا)

   زنگان شاعیرلری آراسیندا غزل فورماسیندا مشهور اولان چاغداش شاعیریمیز "پرویز سودی­"دیر کی دالغا تخلوصو ایله سؤز قوشوب، اینجه دویغولارینی گؤزل سؤزجوکلره دوزوب شعر سؤیله­ ییر. دالغانین ایلک شعر دفتری اولان سؤزوم یئره آغیر گلیر عنوانی ایله 1388جی ایلده یاییلیبدیر. بو دفترده 32 غزل موجوددور.

ادامه نوشته

زنگان شاعیرلری نین تانیتیمی - 34 / علی عطایی (یاشار)

علی عطایی (یاشار)

   علی عطایی (یاشار) تخلصو ایله گنج شاعیرلریمیزدن­دیر کی زنگان شاعیرلری آراسیندا اؤز یئری و اؤز ده یری واردیر. یاشار 1349جو ایلده طارومدا آنادان اولدو، عالی تحصیل آلمیش و بوگون بؤیوک بیر مؤسسه­ نین یاشیندا دایاناراق مودور عنوانی ایله ایشله­ییر.  دیل و ادبیاتیمیزا اورکدن وورغوندور و یازیب – یارتماغی اؤزونه معنوی بیر ایش کیمی سئچمیشدیر، بیر آن دا بو یولدا دایانماییب، یازیر و پوزور.

ادامه نوشته

زنگان شاعیرلری نین تانیتیمی - 33 / کاظم تیموری (اومود زنگانلی)

33

کاظم تیموری (اومود زنگانلی)

   کاظم تیموری (اومودزنگانلی)  1351جی ایلده زنگان بولگه­ سینین قارا پوشلو ماحالیندا یئرلشن بایرام بئی کندینده دونیایا گؤز آچدی، اوشاقلیق ایللرینی دوغولدوغو کندده کیتی داغی­ نین اته­ یینده درس اوخودو. اون ایکی 12 یاشیندا 1363جی ایلده عائیله­ سیله برابر زنگان شهَرینه کؤچوب تحصیلین زنگاندا داوام ائتدیریر. یاشاییشین چتینکلرینه گؤره اورتا تحصیلاتا کیفایتله ­نیب، آکادئمیا تحصیلینه چاتا بیلمه­ییر. ولی یازیب - اوخومادان بیر آن دا دایانماییر. تورک ادبیاتينا ماراقلانیب و بو یولون داوامچی سی اولور.

ادامه نوشته

زنگان شاعیرلری نین تانیتیمی - 33 / پیمان بازرگان

پیمان بازرگان

   پیمان بازرگان زنگانین غزل شاعیری دیر. اونون چاغداش شاعیرلر ایچینده اؤز یئری و اؤز ده­ یری واردیر. پیمان زنگاندا آنادان اولموب، بویا – باشا چاتاراق، تحصیل آلمیش و یاشاییشی دولاندیرماق اوچون ایشه داخیل اولموشدور؛ آنجاق خالقینا خدمت یولو آختاراراق شعره اوز گتیرمیشدیر.

ادامه نوشته

زتگان شاعیرلری نین تانیتیمی - 32 / علی زنگانلی

  32

علی زنگانلی – وولکان

   علی زنگانلی یا وولکان و یاخود یانار داغ تخلوص ائدن علی احمدی 1359جو ایلده زنگاندا آنادان اولوب، بیر تئکنیکال ایشچی کیمی زنگانین بؤیوک بیر فابریکاسیندا ایشله ­ییر. او یئنی یئتمه چاغلاریندان آنادیلینه ماراقلانیب و بوگون اینترنتده کیلاسلار، کانللار و گروپلار دولاندیریر و آنادیلیمیزین گؤزه ­للیک­لرینی، قانون – قایدالارینی چوخلو شاگیردلرینه اؤیره دیر. عئینی حالدا بوگون تورکجه یاییلان کتابلارین ائدیب ایشلرینی گؤرور؛ آنجاق آدی کتابلاردا کئچمه­ سه ده آنادیلی اوغروندا چالیشمادان کئچمه ­ییر.

ادامه نوشته

*** ایراندا تورک دیلی، تاریخی و ادبیاتی *** / 1

1

1) 21جی یوزایلده سانال دونیا (مجازی دونیا) چوخ گئنیش و الده ائدیلن بیر آراجدیر. ایلیشگی لر دونیاسی کئچن یوز ایلین (20جی یوزایلین ) شعاری ایدی و بوگونکو یاشادیغیمیز یوز ایل – سانال دونیاسی دیر. ایلیشگی لر داها رادیو، درگی، تلویزیون و سایره دن یوخاری قالخیب و اینترنت دونیاسی تامام ایلگیلری یاخینلاشدیریب و بیر دوگمه ایله دونیانین بو تاییندان او تایینا نئچه ثانیه ده ایلگی قورماقلا چوخلو معلوماتی یئر به یئر ائتمک اولور.

ادامه نوشته

زنگان شاعیرلری نین تانیتیمی - 31 / ائلمان زنگانلی

زنگان اسکی زمانلاردان ادب و فرهنگ اوجاغی اولاراق، یوزایللر بویو بوتون علمی – ادبی ساحه­لرده ده­یرلی عالملر و ادیبلر، صنعت آداملاری و شاعرلر بسله­میش و  عینی حالدا هر زمان اوچون دلی قانلی انسانلارین مسکنی اولموشدور. بورادا ادبیات و صنعت اوجاغی همیشه آلیشقان اولاراق زمان ایستک­لرینه دوزگون جواب وئرمیشدیر.

ادامه نوشته

زنگان شاعیرلری نین تانیتیمی - 30 / حسن رفیعی

حسن رفیعی، زنگانلی آرار تحلصو ایله هم شاعیردیر، هم ده یرلی معلم و گؤرکملی بیر یازار، عئینی حالدا تاریخ اوزمانی­دیر. حسن 1351جی ایلده زنگاندا آنادان اولوب و بوون تاریخ رشته سینده یوکسک لیسانس پیتیگینی الده ائده ­رک بیر دبیر کیمی علم اوجاقلاریندا چالیشیر. یاخشی­سی بئرادیر کی زنگانین مختلف فرهنگسرالاریندا و بیلیم یوردلاریندا آنادیلیمیزی تدریس ائیر و بو ساحه­ ده گؤزل کتابلار یازیر – یارادیر. او جمله­ دن "دیل بیلگیسی" عنوانلی اثری اؤیرنجی­لرین الیندن یئره دوشمه ­ین بیر کتابدیر.

ادامه نوشته

زنگان شاعیرلری نین تانیتیمی - 29 / محمدکاظم مکملی

 

29

محمد کاظم مکملی  

   محمدکاظم مکملی، "سحر" تخلصی ایله شعر سؤیله ­ین قوجامان شاعیر، گؤرکملی آراشدیریجی و ده ­یرلی صنعتکاردیر کی بوگون زنگان شاعیرلری آراسیندا، علم اهلی­ نین ایچینده خؤرمتلی بیر عالیم ساییلیر. محمدکاظم 1317جی ایلده زنگاندا آنادان اولدو. اونون آتاسی (ملاعلی مکملی) و آناسی بیرلیکده زنگاندا یئنی اصول ایله اداره اولونان ایلک مدرسه ­نین قوروجولاریندان اولموشلار.

ادامه نوشته

زنگان شاعیرلری نین تانیتیمی - 28 / مولانا عتیقی زنجانی

مولانا عتیقی زنگانی

7جی یوزایل آذربایجان تورک ادبیاتیندا ایشیقلی بیر عصر ساییلیر و ادبیات سماسیندا یوزلرجه پارلاق اولدوزلار یاشاییر. قیزیل آذربایجان – زنگان دا بئله بیر دورومدادیر. بو یوزایلده نئچه – نئچه اوچ دیللی و اؤزه­ للیکله تورکجه سؤیله­ ین شاعیرلریمیز وار، او جمله ­دن شهاب­ الدین سهروردی، چلبی اوغلو، شیخ بوراق بابا، اخی جعفر خطیر زنجانی و مولانا جلال الدین محمد عتیقی زنگانی­دیر. جلال­ الدین محمد هله اوشاق ایکن آتاسی قطب الدین عتیقی ایله تبریزه آپاریلیر و تبریز ساراییندا حؤرمتله قارشیلانیر.

ادامه نوشته

زنگان شاعیرلری نین تانیتیمی - 27 / زنگان آشیقلاری

27

زتگان آشیقلاری

   سئویملی دوستلار، ادبیات سئونلر گروپوندا چالیشان قلمداشلار هامینیزی سلاملاییرام و سیز عزیزلره شن گونلر و خوش ساعاتلار آرزولاییرام. بوگون زنگان آشیق ادبیاتی و چاغداش آشیقلاریمیزدان دانیشاجاغام. آشیق ادبیاتی شفاهی خالق ادبیاتینیزین بیر بوداغی­دیر. آنجاق بوگون چوخلو آشیقلاریمیز یازیلی ادبیاتلا ایلگی قوروب و شعرلرینی شاعیرلر کیمی چاپا تاپشیریرلار.

ادامه نوشته

زنگان شاعیرلری نین تانیتیمی - 26 / احمد صادقی

احمد صادقی

احمد صادقی – نافذ تخلصو ایله عرفان باخیشلی عاشقانه شعرلر و اجتماعی طنزلر یازان شاعیردیر. او 1337جی ایلده زنگانین اطرافیندا آنادان اولوب و اوشاقلیقدان زحمت و چتین ایشله­ مک­له تانیش اولوب، آنجاق یازیب – اوخوماقدان اوزاق قالمامیشدیر. بوگونه کیمی ایکی شعر دفتری چاپا حاضیرلامیش: "قورخورام یاغمیا یاغیش" – بو اثر 1390 دا چاپ اولدو – ایکینجی­سی "تای دئییشیک" – هله مجوز آلماق یولونو گؤزله ییر. بونونلا بئله هله چاپا وئرمه­ میش شعرلری داها آرتیقدیر.

ادامه نوشته

زنگان شاعیرلری نین تانیتیمی - 25 / حکیم هیدجی

آذربایجان کلاسیک ادبیاتی چوح زنگین و درین مضمونلارلا دولو بیر ادبیات­دیر. کلاسیک ادبیاتیمیزدا اوچ دیللی شاعیرلریمیزین ساییسی آز دئییلدیر. زنگان بؤلگه ­سی ده بئله نابغه ­لردن بوش اولمامیشدیر. بورادا شیح اشراق – شیح شهاب­ الدین سهروردی، مولانا عتیقی و حکیم هیدجی کیمی اوچ دیللی شاعیرلریمیز واردیر. حکیم هیدجی 1270 قمری ایلینده (170 ایل اؤنجه) هیدج شهرینده – زنگانین 70 کیلومترلیگینده – دونیایا گلمیش و 1346 ایلینده (90 ایل بوندان قاباق) دونیاسینی ده ییشمیشدیر.

ادامه نوشته