دونیا تورک ادبیاتی - 22

   هاكاس – تورك ادبياتي

     تورك اولوسلاري آراسيندا هاكاسلارين مستقل بير ادبياتي واردير. يوزايللر بویو شفاهي ادبياتا ماليك اولدوقلاري ايله، يازيلي ادبياتلاري سون يوز ايله گئديب چاتير. هاكاس ادبیاتی پيئس لره باغلي دير. سووئت اؤلکه لري ياراناندان سونرا، هاكاس لار اوچون مطبعه لر، درگي لر و غزئته لر قورولدو، يونيوئرسيته‌لر تيكيلدي. ايلك رومانلار، ايلك پیئس لر ده 20 جي یوزايلده يازيلميشدير. هاكاس ديلي‌نين الفباسي دا سووئت زامانيندا ايلك دفعه لاتين اولموش، سونرا كيريل الفباسينا چئوريلميشدير.

ادامه نوشته

دونیا تورک ادبیاتی - 21

داغستان كوموك – تورك ادبياتي    

   اورتا آسيانين بوتون اولوس، قبيله وملت لري كيمي، كوموك لارين دا ادبياتي سؤزلو گله نك ايچينده تشكّل ائتميشدير. اونلارين زنگين و گئنيش بير شفاهي ادبياتلاري اولاراق، 13و14 جو يوزايللردن كلاسيك شاعيرلري ده ميدانا گلميش و كلاسيك اثرلر يازميشلار. بو شاعيرلردن كوبوز، اومو كاما، بغداد علي، آمان حور و باشقالاریني آد آپارماق اولاركي 600 -500 ايل بوندان اؤنجه يازيب ياراتميشلار. كوموك شفاهي ادبياتي دا زنگين اولاراق عموم تورك خالقلاريندان آيري اولماميشدير، عيني حالدا عرب- اسلام، بلكه ده فارس ادبياتيندان بهره‌لر ده آلميشدير. يازي الفباسي يوزايللر بويو اسلام دونیاسي ايله بيرگه اولوب و عرب الفباسيني قوللانميشلار.

ادامه نوشته

دونیا تورک ادبیاتی - 20

داغستان تورک ادبیاتی 

   روسیه ده یئرله شن داغستان بؤلگه سی، ان قدیم زامانلاردان تورک یوردلاری ساییلاراق، تورک خالقلاری یاشاییردیلار. آنجاق قاراچای- مالکاری ایکی دیلداش و سویداش خالق اولدرسالاردا، چاغداش زاماندا- 1917 جی ایلدن (بلشویک لرین ایش اوسته گلمه لریله) ایکی باشقا بؤلومه بؤلوندولر:

قاراچای - چرکس/ قاباردی- بالکار

ادامه نوشته

دونیا تورک ادبیاتی - 19

«يوگسلاويا- كوزووا- تورك ادبياتي»

   كوزووا 20  اينجي يوز ايلده يوگوسلاوي جمهورولاري آراسيندا تانينير. آنجاق عثمانلي امپراطورو، اوروپاني اؤز سيطره سي آلتيندا گتيرديگي زاماندا، توركلر اوروپانين شرق و شمال بؤلگه لرينه داغيليب، ساييلاري گونو- گوندن آرتيردي. توركلر چوخالديقجا اؤز ديللريني ده يايیلیرديلار. 18و19 جو يوز ايللردن، عثمانلي امپرواتورو پوزولماغا باشلاكن، تورك ديللي خلق ده دال اوتوروردو. آنجاق ادبيات  ساحه سينده، ترسينه اولاراق ديرچه ليردي. يوگوسلاوي جمهورولاري – 6 جمهورودان عبارت- ايكينجي دونيا ساواشيندان سونرا يارانميشدي . آنجاق بورادا ، كوزووا جمهوروسوندا توركلر چوخلوق قازاناراق تورك ادبياتيني دا يايميشلاردي .

ادامه نوشته

دونیا تورک ادبیاتی - 18

مقدونيه – تورك ادبياتي

   بوگونكو مقدونيه جمهوروسو، يوگسلاويا جمهورلار بيرليگيي داخلينده يئرله شير. بو يوردلار عثمانلي امپراتورلوغو چاغلاريندا، عثمانلي توپراقلاريندان ساييليردي و تورك ديللي خالقلاردا اونون هر بو جاغيندا ياشاييب و اؤز آنا ديللرينده يازيب ياراديرديلار. آنجاق بالكان ساواشلاريندا، اينگيلتره  امپرياليزمي، تورك ديلي و كولتورونو عثمانلي امپراتورونون گوجلو بير قانادي عنوانی ايله سیخيشديرماغا چاليشيردي وبو بالكان ساوشلاريندا تورك ادبياتي بير بالاجا ضعيف له دي. آنجاق يوگسلاويا كیرالليغي وشاهليغي دؤنمينده، مقدونيه ایله توركيه آراسيندا ادي – ديل باغلانتي‌لاري پوزولدو. تورك ادبياتي دا سيخيتي لارا معروض قالدي و خلق اؤز آنا ديليني یادیرقاییر. مهاجرتلر زورلاشير. بوزامان مقدونيه ده چوخ آز ادبي اثرلر يارانير. شيخ سعدالدين افندي، عزت بحري افندي و عبدالفتاح رئوف اثرلري تكجه كتابلارديلاركي مقدونيه ده اؤز حياتينا و وارليغينا داوام وئرير.

ادامه نوشته

دونیا تورک ادبیاتی - 17

   بولغارستان – تورک ادبیاتی

  بولغارلار تورک قبیله لری نین بیری دیر. اونلار بئشینجی میلادی یوزایلده اورتا آسیادان قافقاز یولوایله آخیب و اورپایا گلیب لر. اسپاروخ خان بولغارلارین بؤیوک سردار و امپراتورو، بولغارلارین بو کؤچونه لیدئرلیک ائتمیش و بولغارخالقی نین بیرلشمه سینده بؤیوک رولو اولموشدور.

   بولغارلار یوزایللر بویو یاشاییب - یاردایب و بوگون زنگین بیر ادبیاتا مالیک دیرلر. 500 ایل تامام عثمانلی امپراتورلوغو ایله بیرگه تاریخ یارادیب و بیرگه یاشامیشلار. آنجاق 18 جی یوز ایلدن اوروپا دولت لری طرفیندن مختلف چکیش- برکیشه  گیریب و نهایت عثمانلی دولتیندن آیریلمیشلار. بولغارستان مستقل دولتی 1878 جی ایلده قورولور. آنجاق ایکینجی دونیا ساواسیندان کومونیزم بایراغی آلتینا گیریر و 1990 جی ایلده بو بویوندوروغو بوینوندان گؤتوره رک آزاد ودموکراتیک بیر حکومت قورور. بو اولایلاردان آسیلی اولاراق، بلغارستان- تورک ادبیاتی دا چاغداش مرحله سینده

اوچ بؤلومه بؤلونور:

ادامه نوشته

دونیا تورک ادبیاتی - 16

رومانیا- تورک ادبیاتی

رومانیا جمهوروسو یوزایللر بویو تورک اؤلکه لریندن اولاراق چوخلو تورک دیللی شاعیر و یازارلارین آنایوردو اولموشدور. کئچن 500 ایل عرضینده، تکجه 1960 دان 1990 ایلینه قده ر، تورک دیلی بو جمهوردا یاساق اولموشدور. کلاسیک ادبیاتی- تورک دیلینده رومانیادا گوجلو و زنگین اولموشدور. 17 جی ایلده بکتاشی ادبیاتی گوجلنمیش وقازاق آبدال، قول محمد، اؤگسوز آشیق کیمی شاعیرلری یئتیرمیشدیر. سازشاعیرلریله برابر دیوان شاعیرلری ده اورتایا گلمیشلر. هلاکی، 16 جی یوزایلین اؤنملی و گؤزکملی شاعیرلریندن تانینیر.

رومانیانین تورک ادبیاتی بؤلومونده شیخ بدرالدین، تاشلیجالی یحیی، توقاتلی قانی، احمد وافق پاشا، احمد راسم، حمدلله صبحی تانری اور تانینمیش شاعیرلری دیر.

ادامه نوشته

دونیا تورک ادبیاتی - 15

   اروپا – تورک دونیاسی

  بیلدیگیمیز کیمی، تورک لر تاریخ بویو اوروپایا گئتمیش و اوروپانین مختلف بؤلگه لرینده یورد سالمیشلار. تورکلر تاریخده اوچ دؤنه اوروپایا گئتمیشلر. بیرینجی دؤنه  مته خان چاغیندا میلادان 170 ایل اؤنجه یه مربوط اولان آخین نظرده توتولور. بو آخیندا اوروپانین اورتالارینا قده ر تورک سیطره سی آلتینا گلیر. ایکینجی آخین آتیلا زامانیندا اوز وئریر و بو زامان یئنه ده تورکلر اوروپانین چوخ بؤلگه لرینی حکومتلری آلتینا آلاراق، قوردوقلارینی حکومت لر نئچه یوزایللر عومور سورور. بو زاماندان دؤرد قرن سونرایا قده ر تورکلرین آخینی اوروپایا داوام تاپیر. بونون آردیجا بولغارلار و مجارلار تورک عائله لریندن اولاراق اوروپایا گئدیب یورد سالیرلار و بوگونه قده ر ده اؤز دیل و کولتورلرینی ساخلامیشلار.

   اوچونجو تورک آخینی اوروپایا سلطان محمد فاتح – عثمانلی خلیفه سی اولاراق 15 جی یوزایلده اوز وئریر. بو زامان اسلام- تورک امپراتورلوغو 400 ایل عرضینده اوروپایا ان گوجلو حکومت لریندن ساییلاراق، تورک مدنینی و کولتورونو بوتون اوروپایا یاییر.

ادامه نوشته

دونیا تورک ادبیاتی - 14

   عراق تورک ادبیاتی

 

 

   عراق تورک لری، کلاسیک بیر ادبیاتین یارادیجیسی اولاراق، دیل شیوه لری ایران آذربایجان تورک دیلینه داها یاخین دیر. آذربایجان ادبیاتی نین بؤیوک شاعیرلری اورالاردا یاشاییب وبیر سیرا شاعیریمیز، عراقدان باش قالدیریبلار. بونلارین آراسیندا عمادالدین نسیمی عمرونون بارلی ایللرینی عراق تورک لری آراسیندا یاشاییب و اورادا تورکجه دن علاوه عربجه ده دیوان یارادیبدیر. اوندان علاوه تورک ادبیاتی نین نهنگ شاعیرلری مولانا محمد فضولی، بغدادلی روحی، شیخ اوغلو، نورس قدیم، محمد نوروزی، بدری، مفتی بکیر افندی، اسعد، حیدراوغلو، فرضی، کاظمی، خالص، ابراهیم رازی، صافی، عرفی، شیخ رضا، خاکی، فائز و یوزلرجه شاعیرلریمیز 14 جی یوزایلدن 19 جی یوزایله قده‌ر تورک ادبیاتینی منیمسه میش و دیری ساخلامیشلار.

ادامه نوشته

دونیا تورک ادبیاتی - 13

توركمن ادبياتي

 

 

    توركمن ادبياتي، تورك دونياسي زنگين‌نين‌ان اسكي، گئنيش و گوجلو بيرقولونو تشكيل ائدير. مين ايل بويوندا ده‌يرلي كلاسيك ادبياتي ياناشي، زنگين بير شفاعي ادبياتا دا مالكي دير. بوتون باتي توركلري‌نين ديل عائله سيندن ساييلان توركمن ديلي،، آذربايجان و آنادولو ديللرينه ان ياخين ساييلاراق اوزون مدت، اوج ادبياتين اورتاق بير دؤنمي اولموشدور. توركمن ادبياتيندا احمديسوي كيمي بؤيوك بير شاعر، توركوستان پيري آدلان شخصيت، تكجه توركلر آراسيندا يوخ، بلكه بوتون دونيا كلاسيك ادبياتنيدا آدلي. سانلي بير كيمليگه ماليك اولاراق، بشري دوشونجه لرين يارادان بؤيوك بير عاليم دير. دويان حكمت اثري بوتون دونيانين كلاسيك اثرلري آراسينا یئر توتور[1].

---

[1] حولیا کاساپ اوغلو، تورکمن شعری، استانبول، 1996.

ادامه نوشته

دونیا تورک ادبیاتی - 12

 

اوزبک ادبیاتی

 

 

   اوزبک ادبیاتی، عموم تورک ادبیاتی نین زنگین بیر قولونو یارادانلارداندیر. کلاسیک ادبیاتی دا یئنه زنگین و یایغین بیر ادبیات دیر. او بیری طرفدن خلقین شفاهی ادبیاتی دا داها زنگین و داها قدیمی دیر. اوزبک لر اسلامدان اؤنجه ملت کیملیکلرینی تشکیل ائده رک، ادبیاتین گلیشمه سینده اشتراک ائتمیشلر. شفاهی آغیز ادبیاتلاریندا آلپامیش اوسطوره لری، کوراوغلو ائپوسلاری، ملا نصرالدین حیکایه لری اولاراق، خواجه احمد یسوی کیمی تورکستان پیری لقبی ایله شهرت تاپان بؤیوک عارف، صوفی الهی لر و باشقالاری بوتون تورک خلقلرینه سوندوکلری کولتورون بیر بوجاغی دیر. کلاسیک ادبیاتا گلدیکده، امیر علیشیر نوایی، بابورشاه، یعقوبی، خوارزمی و لطفی کیمی نهنگ شاعیرلری واردیر.

 

ادامه نوشته

دونیا تورک ادبیاتی - 11

قيرقيز – تورك ادبياتي

 

 

   قیرقيزلار، تورك بويلاري نين ان اسكي و قديمي سي تانينير . اونلار 5جي يوز ايلدن اؤز مستقل دولت لريني تشكيل ائتميش و 1500 ايل بويوندا حكومت قورموشلار . آنجاق 10 جو عصردن 19 جو عصره قده‌ر قدرتلري آزالميش دير، آمما يوخ حسابي ائتمك اولماز . قيرقيزلارين گوجلو دولت لريندن قاراخانلي لار (766-942-1137م ایللری آراسیندا[1]) اولموشلار و اونلارين مركزي بالا ساغون اولموشدور . فرغانه چایي ، ميلاددان اؤنجه قيرقيز بويلاري نين مدنيت ياراتماسيندا اؤنملي و اساسلي رول اويناميش دير و مدنيتين گليشمه سينده چئوره‌لرينده‌كي قبيله‌لره ده ائتكي بوراخميشدير. تيموريلر سلسله‌سي ده قرقيزلارين تاريخي دؤورونو تشكيل ائدير . آنجاق كولتور و ادبياتا گلديكده يوسف بالا ساغونلو قوتادقوبيليك اثريله و كاشغرلي محمود – ديوان لغات التورك كتابيله قيرقيزلارين  و عموم تورك ادبياتي نين اساس بينوره لريني قورموشلار. اوندان علاوه 15 جي يوزايلده اولغ بيگ (1469-1447) ، سلطان حسين بايقرا (1505 - 1469) و ظهيرالدين بابور (1526-1483) هم سلطان و هم شاعيراولماقلا قيرقيزلارين ادبيات و كولتورونون گليشمه سي و عموم تورك لرين ادبياتيندا درین ائتكي بوراخميشديلار[2] .

---

[1] اکبر.ن.نجف، قاراخانلیلار، آنکارا، 2005.

[2] حسین اؤزبای، قیرقیز تورکلرینین ادبیاتی، استانبول، 1998.

ادامه نوشته

دونیا تورک ادبیاتی - 10

 اسلام- اویغور تورک ادبیاتی

 

 

   اوغوز و اویغور، تورک سویونون ایکی اصلی بؤلومودور، اویغولار یئرکوره سی نین دوغوسوندا و اوغوزلار باتی سیندا یئرسالمیش و مدنیت لر یاراتمیشلار. اوغوز داستانیندا، بیرسیرا اوغوزا یاردیم ائده ن تورک لری اویغوز آدلاندیریر. اویغور، حمایه ائده ن و یاپیشان معنا سیندادیر. بوتون تاریخی قایناقلار اویغولاری، تورک لرین ان اسکی بویلاریندان بیلیرلر. عربجه، فارسجا و تورکجه قایناقلاردان علاوه، بوتون چین و تورکلرین باشقا قونشولاری اولان خالقلار دا، اویغولارین تورک سویوندان اولدوغونو و تورکلرین اصیل بویلاریندان بیری اولان کیمی آد آپارمیشلار. آنجاق بوگونکو گونه گلدیکده، اویغور آدلاندیردیغیمیز تورک لر بیر تاریخی اولایی یوزایله قده ر تورک دونیاسی نی اللرینه آلمیش و چوخلوادبی- تاریخی اثرلریاراتمیشلار. اویغور خطی و یازی الیفباسی یوزایللر بویو تورک خالقلاری ایچینده یا شامیس و بوگول مینلرجه تورکجه اثرلر بوالیفبا ایله یازیلمیش و دونیا کتابخانالاریندا ساخلانمادادیر. حتا اؤلکه میز ایراندا بئله یازی نسخه لرینی تاپماق دا ممکندور. بوسطیرلرین یازاری عتبه الحقایق کتابی نین اویغور خطی ایله نسخه سیندن یایماغی یئرینه یئتیرمیشدیر[1]. شوبهه یوخدور کی اویغور ادبیاتی نئچه مین ایللیک یر تاریخه مالیک دیر. اویغور دئدیگیمیز بوگون آسیانین دوغوسوندا یاشایان  و چین اؤلکه سینده چوخلوغو اولان بؤیوک و اسکی بیر خالق دیر. اویغورلارین انسان ساییسی بلکه 50 میلیون دان دا آرتیق اولسون. اونون دوزگون آمارینی وئرمک امکانی هله لیک یوخدور. بیرطرفدن چین دولتی اونلارین ساییسینی باسدیریب چوخ آز گؤسترمه گینه چالیشیر و باشقا طرفدن ده اویغورلارین اؤزلری افراطچی بیر ساییلار وئرمکله بیزی ایکی سؤز آراسیندا قویورلار. هرحالدا، بوگون اویغورلار چین ولایت لری اولان کانسو، بؤلگه لرینده یاشاییرلار و ساییلاری 20 دن 50 میلیونا قده ر- بیرسیرا سؤزلره گؤره 100 میلیونا چاتیر.

---

[1] ادیب احمد، عتبه الحقایق، م.کریمی، زنگان، 1376.

ادامه نوشته

دونیا تورک ادبیاتی - 9

قازاق تورك ادبياتي

 

 

   قزاق يا قازاق تورك لري نين ادبياتي چوخ قديم لره گئديب چاتير . عموم تورك ادبياتيندان ساييلان اورخون آبيده‌لري ، قوتادغو بيليك اثري ، ديوان لغات التورك ، عتبه‌الحقايق ، جودكس جومانيكوس ، قصص الانبيا، محبت نامه (خوارزمي نين اثري) و بهجه الفراديس قازاقلارين ادبياتيندان ساييلديغي هيچ بير اعتراض اولونمامالي دير. آنجاق، قازاق بير اؤزگور ملت و ادبيات صاحبي اولان يوزايلي آيدينلاتماق ايسته ييرسك، 15 جي ميلادي يوزايلي قازاقلارين ملي ادبياتلارينا مبداء سايماق مومكوندور .

ادامه نوشته

دونیا تورک ادبیاتی - 8

آلتای – تورک ادبیاتی

    آلتای تورک لری، تورک دونیاسی نین ان قدیم سویلاریندان اولاراق درین واسکی بیر ادبیاتا مالیک دیر. آنجاق تورک کولتورونون شفاهی بؤلومو آلتایلاردا داها گئنیش و داها زنگین دیر. بورادا شفاهی فولکلور کؤک لری چوخ اسکی و محکم دیر. تورکلرین آراسیندا اولان زنگین فولکورون قدیمکی کؤک لرینی تاپماق اوچون، آلتای تورکلری آراسیندا یاشاماق گره کیر. بورادا اوسطوره لرین، افسانه لرین، آتالار سؤزلری و دستانلارین ان اسکی فورمالارینی توپلاماق اولار. آنجاق یازیلی ادبیاتا گلدیکده، گؤک تورک آبیده لرینین آلتای تورکلرینه عایید اولدوغونو بیلیریک. اورخون و یئنی سئی ده یازیلان 51 آبیده دن عبارت تورک دونیاسی نین یازیلی ادبیاتی نین تمل داشینی بورادا تاپمیش اولوروق. بو آبیده لر 1500 ایل بوندان اؤنجه یه عایید اولاراق، 1000 ایل اوندان اسکی زامانلارا دا گئدیب چاتان آبیده لر اله گلمیشدیر. بو تاپنیتی لار گؤسته ریرکی تورک دیلی و خطی دونیانین ان قدیمی کولتورونو تشکیل ائدیر.

ادامه نوشته

دونیا تورک ادبیاتی - 7

تورکیه ادبیاتی

   تورکیه ادبیاتینا گلدیکده، زنگین، گئنیش و یایغین بیر ادبیاتلا اوز – اوزه گلیریک. تورکیه ادبیاتی تک لیکده، چوخ حجملی و ده یرلی بیر ادبیاتدیر کی هم تاریخ اوزونلوغو، هم موضوع گئنیشلیگی و هم محتوا دولغونلوغو یؤنه سیندن ده یرلی و گؤرکملی دیر. کلاسیک ادبیاتی مین ایلدن آرتیق بیر تاریخه مالیک اولاراق، تورک دیلی بیر رسمی دیل کیمی قوللانماسی ، حکومت ایشلرینده، دینی ساحه لرده ایشه آلینماسی بیرینجی دورومدا دایانیب و علمی – نظامی و ادبی ساحه لرده ده رسمی بیر دیل اولموشدور.

ادامه نوشته

دونیا تورک ادبیاتی - 6

قوزئی آذربایجان ادبیاتی

 

 

    قوزئی آذربایجان، مین ایللر بویو گونئی آذربایجانلا برابر بیر دیلده، بیر کولتورده اولاراق، بیر حکومت آلتیندا یاشامیش و بیر ادبیاتا دا مالک اولموشلاردیر. بئله لیکله، دیللری و ادبیاتلاری دا بیر اولموشدور. آنجاق قاجار دوورونده، ایرانلا روس ساواشلاریندا ایکی مقاوله اساسیندا – گولوستان و تورکمنچای مقاوله لری ایله آرازین یوخاریسی، اؤلکه میزدن آیریلیب و روس تزارلاری سیطره سی آلتینا گیرمیشدیر. روسلاشدیرما سیاستی 200 ایل دوام تاپیرسا دا، بوگون آذربایجان اؤز وارلیغینی و منلیگینی قورویوب، ساخلامیش و اؤز دیلینه و ادبیاتینا مالیک اولموشدور. بونو آرتیرماق لازیمدیر کی ایکی ملت – گونئی و قوزئی – 200 ایل سوره سینده بیر – بیریندن آیری یاشاییرسالار دا اقلیم آیریلیغی، دیل گلیشمه سی نین آردینی قیرمامیش و قاباغینی دا آلمامیشدیر. بلکه ایکی بؤلوم ، هربیری اؤز انکشاف و گلیشمه یولونو دوام ائتدیریب و هر بیری نین اؤز طالعینه مخصوص ادبیاتی اولموشدور. بو ایکی ادبیات بیر – بیرینه داها یاخین و داها غلاقه لی اولموشدور. بیر ملت کیمی ایکی اؤلکه ده اولورسالار دا بیر – بیریندن آرا آچمامیش و همیشه اوره ک لری بیر دؤیونموشدور. ایللر بویو، آیریلیق، حسرت، نیسگیل و هجران موتیولری خلقیمیزین دیلینده و اورگینده دیللنیب، اوخونموشدور.

  

ادامه نوشته

دونیا تورک ادبیاتی - 5

ایران تورک ادبیاتی - ۴

ادامه نوشته

دونیا تورک ادبیاتی - 4

ایران تورک ادبیاتی -۳

ادامه نوشته

دونیا تورک ادبیاتی - 3

ایران تورک ادبیاتی - ۲

ادامه نوشته

دونیا تورک ادبیاتی - 2

ايران تورك ادبياتي

   ايران تورك ادبياتي[1] چؤخ گئنيش وزنگين دير . دده قورقود كتابي بورادا يازيليب ، فولكورو دنيا سويه سينده ان دولغون و زنگين خزينه كيمي تانينير ، كلاسيك ادبياتي مینلرجه عاليم و شاعيرلرين ياراديجيليغي ايله مين ايلدن آرتيق بير تاريخه ماليك دير . اونون دونيا سويه سينده تانينميش شاعيرلري وار ، نظامي گنجوي ، شيخ عزالدين حسن اوغلو ، عمادالدين نسيمي ، مولانا فضولي ، تبريزلي صائب ، ملاپناه واقف ، سيد عظيم شيرواني ، علي اكبر صابر و شهريار كيمي شاعيرلر میندن بيري دير. 

---

[1] ماراقلی دیر کی ایلک دؤنه دوکتور علی قافقازیالی بو عباره نی ایشه آپارمیش و 6 جلدلیک اثرینی یاییملامیشدیر. باخ: علی قافقازیالی، ایران تورک ادبیاتی آنتالوژیسی،6 جیلد، ارزروم، 2002.

ادامه نوشته

دونیا تورک ادبیاتی - 1

   اؤن سؤز

 

    ادبيات دونياسي ، ياشايیشين بوتون ساحه لرينده تاثير بوراخيب و اينسانلارين حياتينا ايشيق و انرژي بخش ائدير. عؤمروموزو چولقايان اكونومودان توتوب استئتيك عالميميزي ادبياتلا بزه مك مومكوندور. بوگون ايدئولوژي ،يا ساده دئسك اينام و عقيده ، اينسانلارين دنيا گؤروشو ، اونون بوتون فيكر ، عمل و گله جه يينه كؤلگه سالير. انسانلارين گئديشاتي ، رفتارلاري ، مختلف عنعنه لري بو بولاقدان سو ايچير. منجه اقتصادين تاثيريني اونودماق مومكون دئييل ، آنجاق اينام و عقيده همين اجتماعي صنف دن بوي آتيب ديرچلسه ده،  اينسانين تامام حركت لريني اؤز سيطره سينه آلاراق ، اونو دولانديرير.

ادامه نوشته